10 . Nazioarteko Bertze musiken jaialdia
2009ko irailaren 9tik 19ra

Tabakalera, DONOSTIA (Gipuzkoa)
Berako kultur etxea, Eztegara karrika, BERA (Nafarroa)
Kaxerna gaztetxea, BERA (Nafarroa)
Arteleku, DONOSTIA (Gipuzkoa)
Bonberenea, TOLOSA (Gipuzkoa)
Ttattola gaztetxea, HAZPARNE (Lapurdi)

EGITARAUA:

> 2009/09/09 | Tabakalera, DONOSTIA
20:00 / kontzertua:
CHARLEMAGNE PALESTINE

> 2009/09/10 | Tabakalera, DONOSTIA
20:00 / kontzertua:
FRANCISCO LOPEZ

> 2009/09/12 | Kultur etxea, BERA
22:00 / kontzertua:
TOSHIMARU NAKAMURA & IGNAZ SCHICK
GREGG KOWALSKY
TZESNE_PARALUX
ANDER LIPUS, MIREN GAZTAÑAGA & XABI STRUBELL
IIO

> 2009/09/13 | Kaxerna, BERA
17:00 / kontzertuak-gertaerak:
ADI BERA:
ALEX MENDIZABAL, JAKOBA ERREKONDO, JUAN JOSE ARANGUREN
MATTIN, EMMA HEDDITCH, ANTHONY ILES & HOWARD SLATER
MURSEGO

> 2009/09/14 | Bonberenea TOLOSA
19:30 / Kontzertu-gertaera:
IMPROVISANDO GAZTETXES

> 2009/09/14-17 | Arteleku, DONOSTIA-SAN SEBASTIAN
11:00-18:00 / workshop:
NOISE & CAPITALISM
08:00-20:00 / Bideo artxiboa:
ERTZ ARCHIVE #1

> 2009/09/19 | Ttattola gaztetxea, HAZPARNE
21:00 / Kontzertuak:
AKAUZAZTE DANOK
TRIO MORAINE
OIER I.A.
ISLAIA

+ info: www.arteleku.net/audiolab

kredituak

*** DOWNLOAD ertz#10 wallpaper ***

Artistak:

CHARLEMAGNE PALESTINE

www.charlemagnepalestine.org
Wikipedia: Charlemagne Palestine

Musika konposatzaile minimalista, performer eta artista bisuala.
Charlemagne Palestine (New York, 1945), Phill Niblock, Steve Reich, Yposhi Wada edo Terry Riley bezalako musikarien belaunaldiko artista aipagarrienetakoa da. Soinuen munduan, bereziki tonoetan eta armonikoen alorrean egindako ikerketa lan paregabearen ondorio du merezitako ospe hori eta hala erakusten du bere ibilbideak. Palestine-n ahots eta pianoko emanaldiek entzulea bereganatzen duten energia berezia sortzen dute, egoera harrigarri eta ia erritualistikoak sortuz.

Palestinek 2001eko ERTZ jaialdiaren edizioan hartu zuen parte.

Emanaldi hau Donostiako Tabakalerarekin elkarlanean antolatu da, TABAKALERA SOINUTAN erakusketaren egitarauaren barne.

top

FRANCISCO LOPEZ

www.franciscolopez.net

Francisco López musika esperimentalaren eta soinuzko artearen nazioarteko eskenako izenik nabarmenenetakoa da. Azken 20 urteotan eraiki duen soinu-unibertso harrigarri eta pertsonala munduko 5
kontinenteetan barna egindako kontzertuez, soinu-grabaketez, tailerrez eta instalazioez elikatzen da. Berak sortutako musika lanen biduma amaigabea 180 disketxe baino gehiagok argitaratutako diskez osatua dago.
Lópezen soinu performanceak musika kontzertu klasikoaren topikoetatik urrun kokatzen dira. Soinuan murgiltzera gonbidatzen duten esperientzia indartsuak dira. Hortarako mundu osoan zehar jasotako eta izaera desberdineko grabaketa bilduma zabalak, iluntasuna, multikanalezko sistema eta begiak estalita dagoen entzulegoa erabiltzen ditu tresna gisara.

Francisco Lopezek ERTZ jaialdiaren lehen edizioan, 2000an hartu zuen parte Amy Deniorekin batera, 2001ko ERTZLEIHOA ekitaldian berriz ere parte hartzeko. 2001eko jaialdian ere bere filmeen erretrospektiba (lehen aldiz) egin zen jaialdiaren barnean. Azkenik 2004ean Artelekuko AUDIOLABean tailer bat eskaini zuen. Geroztik ERTZ elkarteko kide den Asier Gogortzarekin lan egin du Lopezek MAMORI ARTLAB egitasmoan.

Emanaldi hau Donostiako Tabakalerarekin elkarlanean antolatu da, TABAKALERA SOINUTAN erakusketaren egitarauaren barne.

top

TOSHIMARU NAKAMURA & IGNAZ SCHICK

http://www.japanimprov.com/tnakamura/
Ignaz Schick myspace

90. hamarkadan gitarrarekin inprobisatzen hasi eta gero azken urteotan musika elektronikoaren eta inprobisazio erradikalaren inguruan ikertzen ibili da Nakamura. Bereziki "no-input mixing board" izeneko teknika erabiliz nazioarteko eszenan ezagun egin duen estilo eta nortasun bakarra sortu du. Antzerkirako hainbat konposizio lan egin du eta Tokyoko inprobisazio eszenako dinamizatzailea izan da Taku Sugimoto eta Tetuzi Akiyamarekin batera, bertako Off Site galerian egindako lanarekin.

Saxofoia ikasketak egin eta rock nahiz jazz munduan hainbat talderan parte hartu ondotik, 90. hamarkada erdialdean gailu elektronikoean hasi zen lanean. Bertzeak bertze sample software eta hardwareak, kontaktuzko mikrofonoak edo landa grabaketak erabiliz musika egiten hasirik tokadiskoa edo turntablea moldatuz topatu zuen gaur bere tresna nagusia dena. Objetu eta materiale desberdinak (metala, plastikoa, papera...) birak ematen dituen tresna honetan erabiliz bibrazio eta testura musikal desberdinak sortzen ditu.

Toshimaru Namakurak 2004ean jo zuen ERTZ jaialdiaren lehen aldiz. Lehen aldi hartan Keith Rowe (bikote modura) eta Oren Ambarchi eta Christian Fennesz (4 gentlemen of the guitar) izan zituen lagun.

top

GREGG KOWALSKY

www.greggkowalsky.net

Kalifornian bizi den musikari honen lanek drone (pedal) musikatik, zaratatik edo psikodeliatik edaten dute. Kranky disketxe iparramerikarraren eskutik bere bakarkako lehen lana argitaratu ondotik "Tape Chants" izeneko lan berria aurkeztuko du Kowalskyk ERTZ jaialdian. Lan honetan espazio akustikoak ikertzen ditu kasete erreproduktoreak eta hauen entzungailuak erabiliz musika-tresna bezala. Modu horretan Kowalsky-k kontzertua gertatzen den espazioa zeharkatzen du zuzenean kaseteak moldatuz, instalazioaren eta kontzertuaren tartean geratzen den emanaldian.

top

TZESNE_PARALUX

www.seriesnegras.org

2002an erran genuen: Gipuzkoako kostaldeko industrialdetik heldu da Tzesne. Gutural talde industrialeko sortzaile izandakoak garai bateko gogortasuna eta indarra bertze modu batean azaltzeko beharra islatu du "La Cuchara" edo "Etxeko mehatxuak" bezalako diska autoproduzituetan, baita ederki lortu ere. Bere musika industriala dela erran genezake, errepikakorra, baina barrura irensten duena da.
Eta 2009an ezin dugu orduan errandakoa baieztatu bertzerik egin. Soilik egindako bidea eta jasotako jakintza zabalagoa da, eta bikote honen esperientzia are aberatsagoa.

TZESNE-PARALUX bikoteak erlazio estua izan du ERTZ jaialdiarekin lehenbiziko urtetik. 2002an hartu zuten parte jaialdian zuzenean joz, baita urte berean ospatu zen 24 orduko emanaldian ere. 2003an BERANDU/DESTIEMPO egitasmoan ere parte hartu zuen PARALUXek eta ERTZ jaialdiko antolakuntza taldean ere lagundu izan dute.

top

ANDER LIPUS, MIREN GAZTAÑAGA & XABI STRUBELL

"ETA NIK ERE SAGAR BAT DARAMAT NIRE BAITAN"
“we should build bridges not walls”

AKTOREAK: MIREN GAZTAÑAGA - ANDER LIPUS
MUSIKARIA: XABI STRUBELL
ARGIZTATZAILEA: OIER ITUARTE

Espazio biribil batean hiru lagun: bi aktore eta musikari bat, egoera bat. Sorkuntza hau performantze bezela aurkezten zaigu, eta inprobisazioak hartzen du toki nagusia. Ekintza desberdinak gauzatzen dira egoera horretan: egunerokotasuna beste zeozer bilakatzen da. Gogoeta eta hitza airean, izakiak egonean, soinua bilakabidean, argilunen sentsazioak... azken batean bizitza biluzik agertzen zaigu. Hortaz, denbora eta espazioa bat-batean eta batera isurtzen dira. Pribatutasunaren gainean argia egiten da eta azkenerako espazioa Arterako irabazi, zeren eta denok daramagu sagar bat gure baitan.

Antzerkiola Imaginarioak (F.T.I) antzerki taldeak 2001eko ERTZ jaialdiaren edizioan hartu zuen parte.

top

IIO

Café teatro taldeko kide honek, 2005ean hasi zuen bere bakarkako egitasmoa, Erresuma Batura bizitzera joaterakoan. Bere jatorrizko musika tresna den gitarra alde batera utzi gabe, banjoa eta ukelelea bezalako tresnak gehituz eta haizezko talde batek lagundurik, aldi honetan zarauztar honek laister bere lehenbiziko diska izanen den¨back&forth¨(talo recordings, 2010) osatzen duten kantuak aurkeztuko ditu lehen aldiz jendaurrean.

Iñigo Ugarteburuk ERTZ jaialdiaren 200eko edizioan hartu zuen parte lehen aldiz CAFÉ TEATRO taldearekin. 2002an 24 orduko kontzertuan ere jo zuen bi bateria eta gitarraz osatutako esperimentu batean eta azkenik 2005ean berriz ere jo zuen, oraingoan jaialditik kanpo, CAFÉ TEATRO taldearekin.

top

ADIBERA

Ertz herrian Beran hasten den zentzumenentzako mapa.
Sentikarta.
Mapa efimeroa. Irekia eta osatugabea (zurearen zai eta zure modukoa).

Paisaian diren hala paratzen ahal diren soinuak. Ikustekoak. Usain, taktu eta dastamenak. Ideiak.

Paisaio. Kartanbera.

Vera mente.

…...........................

Mapa edo Karta honetan (hauetan) izango diren sartze edo kontribuzio bakoitzak fitxa bat osatu beharko du. Fitxa honetan kontribuzioaren ezaugarriak eta, beharrezko direnean, egiteko moduak eta mantenimenduak azalduko dira.
Fitxa hauek karta edo naipe moduan ere egin ahal daitezke, agertzen denaren ezaugarri bisuala eta sinbolikoa.

bERTZe musiketatik abiatuta Beratik mundura ireki nahi den sentsazio, sentipen, oihartzun, zirrara, eragin, irudipen, aieru, susmo... bildu eta azalduko dituen karta-mapa. Kartaren aurkezpen ekintza irailak 13 igandea arratsaldean.

top

ALEX MENDIZABAL

2002an berari buruz erran genuen: Mendizabal musikari nekaezin, geldiezin eta mugarik gabekoa da.
Eta orain inoiz baino gehiago, hortaz guztiz ziur gaude. Beharbada adjetibo batzuk gehiago gehituko genizkioke: hiperaktiboa, imajinazio agortezinekoa, asmatzaile nekaezina, poeta askea eta paregabeko pertsona.

2002an gure jaialdian parte hartu zuen lehen aldi haren ondotik, jaialdia honen eta berau antolatzen duen elkartearen bizitza behin betiko aldatu zen Alexi esker. Bere baimenarekin, gustatzen zaigu erratea, Alex ERTZ bihurtu zela eta aldrebes ere bai. Eta horren adibide dira denbora tarte honetan elkarrekin bizi izan ditugun hainbat abentura eta esperientzia: SPAPS, UXANE zentruarekin elkarlana, urazpiko kontzertua, Eroma, Lazkao, Donostian eta Kordoban egindako ekitaldiak...

top

MATTIN, ANTHONY ILES, HOWARD SLATER & EMMA HEDDITCH

Mattin zaratarekin eta inprobisazioarekin lan egiten duen euskal herriko artista da. Bere lana musika produkzio esperimentalen estruktura sozial eta ekonomikoak azaleratzeko ahalegina da, eta hortarako zuzeneko emanaldiak, idatziak edo grabaketak sortzen ditu. Sakada, Billy Bao eta DAEFLAG HAEMORRAGE/HAIEN KONTRA taldeetako kide da. Berriki Noise & Capitalism liburuaren ko-editore lanak bete ditu.
Mattin-ek ERTZ jaialdiaren 2001eko eta 2002ko edizioetan hartu zuen parte, geroztik jaialdiaren kolaboratzaile izan da.
www.mattin.org


Anthony Iles, Londonen bizi den idazle, editore eta xentimorik gabeko espekulatzailea da. Mute eta Metamute online aldizkarientzako editore lanak betetzen ditu. "All Knees and Elbows of Susceptibility and Refusal" eta˜The Lower Lea Valley as Fun Palace and Creative Prison" panfletuak argitaratu ditu (azken hau Tom Robertsekin batera) bere kabuz, eta Noise & Capitalism liburuan ko-editore lanak bete ditu.
http://saladofpearls.blogsome.com/
http://unemployedcinema.blogspot.com/
http://metamute.org


Howard Slater Londonen bizi den idazle, ikerlari eta kontseilaria da. Bere idatziak Datacide, Noisegate, Resonance Magazine, Infopool, Brek/Flow eta Mute bezalako aldizkarietan argitaratu izan dira. Azken aldian Howard "Guda Mintzetan" kontzeptua jorratzen dabil.


Emma Hedditch idazlea eta artista da. Emakumezko edo queer musikari eta artisten DIY (Do it Yourself, Egin ezazu zeunek) praktikak erakusteko helburua zuen Her Noise erakusketan parte hartu zuen, South London Gallery (London). Bere lanak, bertze gauzen artean, elkarlan eta bizitza pertsonalean sortzen diren erlazio sozialak aztertzen ditu. Gehienetan ahotsa erabiltzen du, bere idatziak irakurtzeko eta egoera izugarri intimoak baina intentsoak sortzeko. Horrela entzulegoa bere kondizioaz jakitunago bihurtzea (genero, sexualitate eta orokorrean egoerarekin erlazioan) lortzen du. Hedditch Noise & Capitalism liburuaren azal kontzeptualaz arduratu da.

top

MURSEGO

Mursego myspace

Mursego = Maite Arroitajauregi.
Mursego = cello, loop station, Txinako platertxoak, zirula, pandereta, organotxoa, eskuak, errimak, koruak eta dantzak.
Mursego = Ugaztun kiroptero gautiarra, intsektujalea, saguaren antzekoa baina hegan egiteko aukera ematen dioten behatz luze eta lotu batzurekin.

Maite Arroitajauregik, Mursego bihurtu aitzinetik, 2005eko ERTZ jaialdiaren edizioan hartu zuen parte, BORROKA lapurdiko taldearekin inprobisazio kolektibo batean.

top

+ info

IMPROVISANDO GAZTETXES

Nola ikasi beharko luke inprobisazioak okupaziotik ahalik eta espazio sozial autonomo eta askeena lortzeko?
Nola aldatzen dire gaztetxeen kudeaketak musika inprobisatuak okupatuko balitu?
Zer gertatuko litzake okupek musika inprobisatua egingo balute eta musikari inprobisatzaileek beraiek gobernatutako lekuak hartuko balituzkete?
Nola gainditu daitezke ingurune alternatiboetan ere errepikatzen diren rol eta nortasunak?

Praktika esperimentaletik errepikaezin eta erreproduzitu ezin diren egoerak sortzera gonbidatzen zaituztegu. Okupa/musikari/entzule edo hitzaldi/asanblea/kontzertu/ ideia goitik behera aldatzen dituzten egoerak bizitzera.
Estrategia berriak sortzera lagungarri izanen diren egoerak.

+ info

top

AKAUZAZTE DANOK

www.artoartian.org/akauzazte/



Tzesne, Paralux, Oier IA, Alex Mendizabal eta bertze zenbaiten kasuetan bezala Azkoitko Akauzazte (orain Akauzazte Danok) taldearen ibilibidea eta ERTZ jaialdiarena gartukoak sentitzen ditugu. Azkoitiko Matadeixe jaialdi honentzako bigarren etxe modukoa izan da, eta Akauzazteko kideak anfitrioi hoberenak. 2002an jo zuen taldeak ERTZ jaialdian lehen aldiz, eta 2004ean Atanas kornelius ere izan zer tartean.

Eihartzea kultur etxearekin elkarlanean antolatutako kontzertua.

top

OIER I.A.

Oier I.A. edo Oier Iruretagoiena Gipuzkoatik datorren soinu sortzailea da. Bakarkako jardunaz gain, artista zenbaitekin elkarlanean sortu ditu lanak; tartean Aitor Izagirrerekin batera berriki aurkezturiko "Tiempo de dar" eta "Hotsune enea ene! ene! unea hotsunene?" kontzertu-instalazioak. Dantza, antzerki, irrati eta poesia emanaldietarako ere konposatu izan du.

2005. urtean lehen aldiz hartu zuen parte ERTZ jaialdian Oier I.A.k, orduan Tüsüri ezizena erabiliz. Tarte horretan berak gidatutako SOTOTIK irratsaioak eta e-zineak ere jaialdiarekin lan egin du, baita INFO7 irratirako egindako emisioengatik ere.

Eihartzea kultur etxearekin elkarlanean antolatutako kontzertua.

top

TRIO MORAINE

Moraine myspace

David Guionneau (bateria eta objektuak)
Frédéric Jouanlong (ahotsa)
Ryan Kernoa (gitarra akustikoa eta ahotsa)

Eihartzea kultur etxearekin elkarlanean antolatutako kontzertua.

top

ISLAIA

islaia myspace

"Bigarren kanta idatziko zuen luma hartzera nindoan bainan lainoen artean denak itsutu ginen Euria... beti euria! [...] ce noeud hideux devint, par le temps, de plus en plus immense, tout en acquérant la propriété de la soude, et se ramifia en plusieurs branches qui se nourissent actuellement. Bainan laino artean... (Bis)"

Eihartzea kultur etxearekin elkarlanean antolatutako kontzertua.

top

ANTOLATZAILEA:
ERTZ elkartea
Berako Kultur Batzordea - Berako Udala

LAGUNTZAILEAK:
Arteleku AUDIOLAB (Donostia)
ARTELEKU (Donostia)
EIHARTZEA KULTUR ETXEA (Hazparne)
TTATTOLA GAZTETXEA (Hazparne)
TABAKALERA (Donostia)
BONBERENEA (Tolosa)
KAXERNA GAZTETXEA (Bera)
GURE TXOKOA ELKARTEA (Bera)
TOKI ONA INSTITUTUA (Bera)

ZUZENDARITZA:
Iñigo Telletxea, Xabier Erkizia

LAN TALDEA:
Marta Font, Asier Gogortza (Ertz), Ibai Gogortza (Kaxerna), Natalia Barberia, Maitane Otaegi, Mattin (Arteleku), Catherine Luro, Xabina Larralde (Eihartzea), Clara Montero, Gorka Askasibar (Tabakalera)

DISEINUA :
Xavier Balderas



ESKERRAK:
Charlemagne & Aude, Francisco López, Clara Montero, Joxan Muñoz, Rosa Zufia, Gorka Askasibar, Oier Iruretagoiena, Kepa Landa, Txesus eta Ima, Ignaz Schick, Toshimaru Nakamura, Gregg Kowalsky, Jose Luis Cuevas, Dani, Marga Matxiarena, Ekiñe Larralde, Asier Gogortza, Ibai Gogortza, Maite Arroitajauregi, Mattin, Jon Abril, Josu Iratzoki, Joxe Larrañaga,  Edorta Izarzugaza, Aitor Izagirre, Xavier Balderas, Maitane Otaegi, Gure Txokoa elkartea, Kaskabell soinua, Zubiondo jatetxea, Aitor Bengoetxea, Ansonea hotela, Gotzone Matxiarena, Xabina Larralde, Arra, Myriam, Jaio, Ttattola gaztetxea,

KONTAKTUA:
ERTZ apdo 75 31780 BERA (Nafarroa)
www.ertza.net | info-ertza.net

>

ESKERRIK ASKO ERTZ JAIALDIAN
MODU BATERA EDO BERTZERA
PARTE HARTU DUZUEN GUZIOI

Xavier Balderas, Nerea Faus, Ibai Gogortza, Charlemagne Palestine, Aude, Francisco López, Gorka Askasibar, Clara Montero, Joxean Muñoz, Rosa Zufia, Edorta Izarzugaza, Marcello Liberato, Kaskabel soinua, Maikel, Abel, Jaio, Marga Matxiarena, Gotzone Matxiarena, Ekiñe Larralde, Iñaki Irazoki, Natalia Barberia, Kepa Landa, Kaxerna gaztetxeko jendea, Howard Slater, Emma Hedditch, Mattin, Anthony Iles, Toshimaru Nakamura, Ignaz Schick, Jakoba Errekondo, Alex Mendizabal, Juan Jose Aranguren, Maite Arroitajauregi, Ander Lipus, Miren Gaztañaga, Xabi Strubell, Oier Ituarte, Txesus Garate, Ima Morillas, Gregg Kowalsky, Jose Luis Cuevas, Iñigo Ugarteburu, Iban Urizar, Hector Garrido, Ander Mujika, Patxi Muñoa, Bonbereneako jendea, Noise & Capitalism tailerreko partehartzaileak (Sam, Nerea, Jose Luis, David...), Oier Iruretagoiena, Joxe Larrañaga, Arra, Roge Astigarraga, Islaia taldeko kideak, David Guionneau, Frédéric Jouanlong, Ryan Kernoa, Catherine Luro, Xan Durruti, Xabina Larralde, Myriam Aycaguer, tattola gaztetxeko jendea, Zalain jatetxea, Iñaki Pikabea, Hotel Ansonea, Lorea grafikak, gure berri eman duzuen komunikabideak eta ekitaldietara etorri zareten guzioi…

eta bidenabar:
Ikus HEMEN Asier Gogortzak ERTZ jaialdiaren 10. edizioan egindako argazkiak

ERTZ - Berako Kultur batzordea - Berako Udala

:::::::::: www.ertza.net :::::::: info-ertza.net :::::::::::
:::::::::: ERTZ 75pk 31780 BERA (Nafarroa) :::::::::::